BELTRUM – De kogel is deur de karke zeg ze wal eens. Beltrum hef een jonge ondernemmer e vonden den de supermarkt deur dut. Rinaldo is zien naam en he geetprobearen um den olden Ribbat wear nieuw leaven in te bloazen. Noe kan dat natuurlijk neet mislukken as ie zoal heurt op stroate wie der allemoale de boodschappen wilt goan doon. Ok ik heb kennis e maakt met Rinaldo en trof doarin een enthousiaste jonge kearl den der veur wil goan.
Um mekare te verstarken heb wij beslotten um onze bakkerswinkel doar ok in onder te brengen. Noe hoppen dat de plaatselijke bevolking ok woord holt en met zien allen duftig de boodschappen doar goat doon. Loatwij hoppen op een vruchtboare samenwerking met de Ribo en de plaatselijke bevolking. Beltrum kik veuroet is al half e lukt met `t behold van de supermarkt met bakker.
Plaatsen als Beltrum blieft aantrekkelijk as der ok argens met mekeare lekker `t leste nieuws en roddels oaver de teunbanke goat. Efkes lekker drammen en neulen of hoe de wereld in mekeare stekt. Zo was der ok ne keare `n menneke bie ons in de winkel en den leep nogal holterig. Ie vroag dan oet fatsoen wat is der loos. Het menneke kik vrendelijk op en zeg ach ik doo `t der met. Ne wekke later kumpe wear en leep nog gekker. Wear de vroage en wear een bescheiden antwoord; der bunt der wie `t slimmer hebt. De 3ewekke kwam he met de rollator an schoeven en ik zeg foi `t mut toch neet gekker worden. Nea zegge dat zal `t ok neet worden ik wet noe woar `t an ligt. Miene vrouwe von dat ik neet genog zat te massen in berre en noe had ze dee blauwe pilletjes deur mienetten e maalt. Iederen oavond stonden de lakens umhooge moar op mien leaftied is dat neet te doon. De butte kunt `t neet meer hemmen. Ik zeg; moar hoe wet ie dat `t better geet worden? De vrouwe lig noeop `n andere sloapkamer en de buurvrouwe en de dienstmeid en doar een vriendin van komt der neet mear in.
