NEEDE – Gelukkig moar `t nieuwe joar kump deran, 2020 was achterof eigenlijk `n joar vol gemas. Deur `t virus kwam onze dagelijkse gang van zaken beheurlijk van `t rit. Niks kon of mocht der mear. Gin karmissen,gin concerten en toen ze van de zommer iets losser werden ging `t grandioos mis en doar hadde wie in `t noajoar wear de gevolgen van. Zelfs noe nog zit vulle horeca en winkels dichte. Het blik dat neet iedereene mear alles op de regels oetdut. Zelfs as Rutte `t volk toosprekt vanoet de toren bunt der boeten leu op pannen en potten an `t sloan.Ons land is wal een betje een gemas en gemor land e wodden. Ieder mot zoneudig een mening hemmen en dat dan ok veural oetdreagen leefst met vulle gedoo. Vuurwark mag neet dus wat doot wij,vuurwark ofstekken. Het is dan ok een raar virus het was makkelijker ewes dat ieder dee `t had ne groot`n poes veur de kop kreeg zodat ie kunt zeen van doar mot ik oet de buurte blieven. Moar ie kunt noe neet zeen an Jantje of Pietje dat hum wat mankeart.En as oe dan niks mankeart krieg ie al gauw de gedachte van; dat zol mien toch neet oaverkommen. Ok dee leu dee ondanks een reisverbod toch efkes stiekum goat, zelfs zo slim dat ze op Schiphol `t te drok kreggen. Wat mot wij van dee leu denken en mot wij ze noatied, moggen ze `t kriegen, dan neet helpen? Wie `t wet mag `t zeggen.
Loat wij hoppen dat `t vaccin good helpt en dat wij dan eind 2021 dit gemas kunt afsloeten. Efkes wear hearlijk noar de kroeg of een feestje kunt en mekeare efkes wear lekker op de konte kunt sloan.Of doo dat moar leaver neet want dan krieg ie doar wear gemas oaver.Ik wens oe allen een bijzonder good 2021 hol oe kreggel.
